اسلام آباد – 15 آگسٽ (اي پي پي) وزيراعظم محمد نواز شريف پاڪستان ڪرڪيٽ ٽيم جي ڪپتان مصباح الحق کي ٽيليفون ڪئي ۽ کيس اوول ۾ انگلينڊ جي خلاف آخري ٽيسٽ ميچ ۾ ٽيم جي ڪاميابي تي مبارڪباد ڏني. وزيراعظم هائوس پاران جاري بيان موجب وزيراعظم 70 هين آزادي جي ڏهاڙي جي موقعي تي ان تاريخي ڪاميابي کي پوري قوم جي لاءِ پاڪستان ڪرڪيٽ ٽيم جو تحفو قرار ڏنو. هن خاص طور تي يونس خان ۽ ياسر شاهه جي تاريخي ۽ غير معمولي ڪارڪردگي جي واکاڻ ڪئي.
