اسلام آباد – 24 آگسٽ (اي پي پي) وزيراعظم محمد نواز شريف مختلف صوبائي ۽ وفاقي ايجنسين پاران نيشنل ايڪشن پلان تي عملدرآمد ۾ اڳڀرائي تي اطمينان جو اظهار ڪندي ان عمل کي وڌيڪ تيز ڪرڻ جي هدايت ڪئي آهي. نيشنل ايڪشن پلان تي عملدرآمد تي اڳڀرائي جي جائزي لاءِ وزيراعظم محمد نواز شريف جي صدارت ۾ وزيراعظم هائوس ۾ اجلاس ٿيو. اجلاس ۾ ان عزم جو اظهار ڪيو ته دهشتگردي جي لعنت جو خاتمو نه ته چوائس ۽ نه ئي آپشن آهي پر اهو اسان جي وجود ۽ بقاءَ جي لاءِ لازمي آهي. وزيراعظم آفيس پاران جاري بيان موجب اجلاس ۾ دهشتگردي جي خاتمي جي ڪوششن باتب مختلف قانونن جو پڻ جائزو ورتو ويو ۽ انهن قانونن کي وڌيڪ موثر بڻائڻ جي لاءِ طريقن تي پڻ غور ڪيو ويو.
