اسلام آباد – 18 آگسٽ (اي پي پي) سينيٽ چيئرمين ميان رضا رباني چيو آهي ته نيپ تي عملدرآمد جي لاءِ پارلياماني نگراني جي ضرورت آهي، پارليامينٽ اهو فورم آهي جتي سمورين ڌرين کي جوابده بڻائي سگهجي ٿو. اهڙن خيالن جو اظهار هن پاڪستان انسٽيٽيوٽ آف پارليامينٽري اسٽڊيز پپس ۾ سينيٽ انٽرن شپ پروگرام جي ٻي بيچ جي افتتاحي تقريب کي خطاب ڪندي ڪيو. سينيٽ چيئرمين چيو ته بدقسمتي سان پاڪستان ۾ پارليامينٽ کي وڌڻ ويجهڻ جو موقعو نه ڏنو ويو ۽ جمهوريت کي مضبوط ٿيڻ نه ڏنو ويو.
