اسلام آباد – 13 جولاءِ (اي پي پي) وزيراعظم محمد نواز شريف چيو آهي ته ڪشمير مسئلي جو حل گڏيل قومن جي سلامتي ڪائونسل جي قراردادن موجب ڄمون ۽ ڪشمير جي عوام کي خودمختياري جي حق جي ذريعي ئي ممڪن آهي، پاڪستان جي حڪومت ۽ عوام پنهنجي ڪشميري ڀائرن جي جذبن جو احترام ڪري ٿي ۽ عالمي فورمن تي ڪشمير ڪاز جي حمايت هر قيمت تي جاري رکنداسين. هن اها ڳالهه ڪشمير جي باري ۾ پارليامينٽ جي خصوصي ڪميٽي جي چيئرمين ۽ جمعيت علماءُ اسلام (ف) جي امير مولانا فضل الرحمان سان لاهور ۾ ٿيندڙ ملاقات ۾ چئي، مولانا فضل الرحمان وزيراعظم جي صحت جي باري ۾ دريافت ڪيو ۽ سندس جلد صحتيابي لاءِ نيڪ خواهشن جو اظهار ڪيو.
