چڙهوئي (ڪوٽلي) – 14 جولاءِ (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته 21 جولاءِ تي ڪشمير جي عوام شينهن جي نشان تي ٺپو هڻي نواز شريف کي ڪشمير ڪيس وڙهڻ جي لاءِ مختار نامو ڏئي، ڪشمير جو ڪيس وڙهڻ جي لاءِ اهڙو وڪيل گهرجي جيڪو جرئت مند ۽ دلير هجي جيڪو ڀارت جي پنج ڌماڪن جي مقابلي ۾ 6 ڌماڪا ڪري. مسلم ليگ (ن) کي ڪامياب بڻائڻ نواز شريف کي طاقتور بڻائڻو آهي ۽ وزيراعظم نواز شريف کي طاقتور بڻائڻ پاڪستان ۽ ڪشمير کي طاقتور بڻائڻ آهي. اهڙن خيالن جو اظهار هن آزاد اميدوار راجا نعيم منصب داد جي طرفان مسلم ليگي اميدوار راجا محمد اقبال جي حق ۾ دستبردار ٿيڻ جي تقريب کي خطاب ڪندي ڪيو. هن چيو ته اسان گڏجي والاريل ڪشمير ۾ ظلم جي خلاف آواز بلند ڪرڻي آهي.