اسلام آباد – 05 جولاءِ (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد سعودي عرب ۾ بم ڌماڪن جي سخت مذمت ڪئي آهي. هڪ بيان ۾ هن چيو ته دهشتگردن جو ڪو به مذهب نه آهي، اهي انسانيت جا دشمن آهن. هن چيو ته پاڪستاني قوم مشڪل جي هن گهڙيءَ ۾ پنهنجي سعودي ڀائرن سان گڏ آهي ۽ انهن جي ڏک ۾ شريڪ آهي. هن چيو ته مقدس جاين تي حملن سان پوري مسلمان امت جي مذهبي جذبن کي ٺيس پهتو آهي، اهڙي طرح جي دهشتگردن کي هن دنيا ۾ به سزا ملندي ۽ آخرت ۾ به هو سزا ماڻيندا.