اسلام آباد – 16 جولاءِ (اي پي پي) وزيراعظم محمد نواز شريف جي پرڏيهي معاملن واري خصوصي معاون طارق فاطمي کي ترڪ ايئرپورٽس تي ڦاٿل پاڪستانين کي هر ممڪن تعاون جي فراهمي يقيني بڻائڻ جي هدايت ڪري ڇڏي آهي. پرڏيهي آفيس پاران جاري هڪ بيان ۾ چيو ويو آهي ته ترڪيءَ ۾ پاڪستاني 3413 – 568 – 0090 (استنبول) ۽ 5393 – 979 – 505 – 0090 (انقره) تي رابطو ڪري سگهن ٿا. ترجمان چيو ته سفارتخانو ۽ قونصليٽ پاڪستانين جي سهولت جي لاءِ لاڳيتو ترڪ ايئرلائينز سان رابطي ۾ آهن.