اسلام آباد – 15 جولاءِ (اي پي پي) قومي اسيمبلي جي اسپيڪر سردار اياز صادق والاريل ڪشمير ۾ ڀارتي بربريت جي مذمت ڪندي چيو آهي ته پاڪستان گڏيل قومن جي چارٽر ۽ قراردادن موجب خودمختياري وارو حق حاصل ڪرڻ لاءِ ڪشميري عوام جي اخلاقي ۽ سياسي حمايت جاري رکندو. ڀارت ڪشميري عوام جي جدوجهد کي بربريت جي ذريعي نٿو دٻائي سگهي. جمعي ڏينهن هتي قومي اسيمبلي جي اسپيڪر برطانوي هائوس آف لارڊز جي اسپيڪر برونيس ڊي سوڊا سان ملاقات ڪئي جنهن ۾ برطانيه ۽ پاڪستان جي وچ ۾ ٻه طرفي لاڳاپن ۽ جمهوريت جي مضبوطي جي حوالي سان خيالن جي ڏي وٺ ڪئي وئي.
