اسلام آباد – 08 جولاءِ (اي پي پي) صدر ممنون حسين ۽ وزيراعظم محمد نواز شريف ڏکڻ چين ۾ طوفاني برساتن ۽ ٻوڏ سبب ٿيندڙ قيمتي جاني ۽ مالي نقصان تي دلي ڏک ۽ افسوس جو اظهار ڪيو آهي. پنهنجي چيني هم منصبن نالي جدا جدا پيغامن ۾ صدر ۽ وزيراعظم چيني قيادت سان تعزيت جو اظهار ڪيو آهي. وزيراعظم نواز شريف چيني وزيراعظم لي ڪي چيانگ جي نالي پنهنجي پيغام ۾ ڏکڻ چين ۾ سخت ٻوڏ ۽ برساتن سبب قيمتي جاني ۽ مالي نقصان تي پاڪستان جي حڪومت ۽ عوام پاران دلي تعزيت جو اظهار ڪيو آهي.
