اسلام آباد – 07 جولاءِ (اي پي پي) صدر ممنون حسين ۽ وزيراعظم محمد نواز شريف ڏکڻ چين ۾ سخت برساتن ۽ ٻوڏ سبب ٿيندڙ قيمتي جاني ۽ مالي نقصان تي دلي ڏک ۽ افسوس جو اظهار ڪيو آهي. پنهنجي چيني هم منصبن جي نالي جدا جدا پيغامن ۾ هنن چيو ته پاڪستان جي حڪومت ۽ عوام پنهنجي چيني ڀائرن جي ڏک ۾ برابر جي شريڪ آهي. هنن متاثر خاندانن سان همدردي جو اظهار ڪيو، هنن يقين ظاهر ڪيو ته قابل قيادت جي سرپرستي ۾ چين جي بهادر عوام جرئت ۽ حوصلي سان ان تباهي تي ضابطو آڻيندي.
