اسلام آباد – 05 جولاءِ (اي پي پي) صدر ممنون حسين سعودي عرب ۾ دهشتگرد حملن جي سخت مذمت ڪندي سعودي عرب جي فرمانروا شاهه سلمان بن عبدالعزيز السعود ۽ سعودي عرب جي عوام سان يڪجهتي جو اظهار ڪيو آهي. ايوان صدر پاران جاري پيغام ۾ صدر چيو ته پاڪستان جي حڪومت، عوام ۽ هو ذاتي طور تي مشڪل جي هن گهڙيءَ ۾ پنهنجي سعودي ڀائرن سان گڏ آهي. هن چيو ته دهشتگردي هڪ عالمي مسئلو آهي، مسلمان دنيا کي دهشتگردي جي خلاف گڏيل حڪمت عملي اختيار ڪرڻي پوندي.