اسلام آباد – 14 جولاءِ (اي پي پي) اطلاعات، نشريات ۽ قومي ورثي وفاقي وزير سينيٽر پرويز رشيد چيو آهي ته هن سال سڄي ملڪ ۾ آزادي جو ڏهاڙو جوش ۽ جذبي سان ملهايو ويندو ۽ تقريبن جي ذريعي پاڪستان تحريڪ جي شهيدن کي خراج عقيدت پيش ڪنداسين. اهڙن خيالن جو اظهار هن اطلاعات، نشريات ۽ قومي ورثي واري وزارت ۾ ريلوي واري وفاقي وزير خواجه سعد رفيق سان گڏ هڪ اجلاس جي گڏيل طور تي صدارت ڪندي ڪيو. اطلاعات، نشريات ۽ قومي ورثي جي سمورن قومي ادارن تي زور ڏنو ته آزادي جي ڏهاڙي جي تقريبن جي ذريعي ملڪ جي نظرياتي بنياد کي اجاگر ڪرڻ لاءِ ٻين وزارتن ۽ پاڪستان ريلوي سان گڏجي ڪم ڪيو وڃي.