اسلام آباد – 10 جون (اي پي پي) پرڏيهي معاملن بابت وزيراعظم جي صلاحڪار سرتاج عزيز افغان طالبان اڳواڻ کي مارڻ لاءِ پاڪستان جي علائقي ۾ ڪيل آمريڪي ڊرون حملا ڪري پاڪستان جي خودمختيار جي ڀڃڪڙي تي آمريڪا کي خبردار ڪندي چيو آهي ته مستقبل ۾ اهڙي قسم جي ڪا به ڀڃڪڙي ٻنهي ملڪن جي لاڳاپن لاءِ هاڃيڪار ثابت ٿيندي. هن اهڙو اظهار پاڪستان جي دوري تي آيل آمريڪي وفد سان ڳالهائيندي ڪيو. هن وفد کي ٻڌايو ته 21 مئي تي بلوچستان جي علائقي ۾ آمريڪا طرفان ڪيل ڊرون حملو نه رڳو پاڪستان جي خودمختياري ۽ علائقائي سلامتي جي ڀڃڪڙي ۽ گڏيل قومن جي ضابطن ۽ پڌرنامن جي ڀڃڪڙي آهي پر ان سان ٻنهي ملڪن جي لاڳاپن کي پڻ نقصان رسيو آهي.
