APP66-02 ISLAMABAD: June 02 – Federal Minister for Finance Senator Muhammad Ishaq Dar showing Pakistan Economic Survey 2015-16 Report during launching ceremony. APP photo by Irshad Sheikh

اسلام آباد – 02 جون (اي پي پي) ناڻي ۽ اقتصادي معاملن واري وفاقي وزير سينيٽر محمد اسحاق ڊار چيو آهي ته هلندڙ مالي سال 16 – 2015ع دوران ملڪ جي اندروني توڙي ٻاهرين چيلينجن جي باوجود مجموعي ملڪي پيداوار جي شرح گذريل 8 سالن دوران سڀ کان وڌيڪ 4.71 سيڪڙو رهي آهي. هلندڙ مالي سال جي ايڪانامڪ سروي رپورٽ جاري ڪندي ڪيو. ان موقعي تي ناڻي وارو وفاقي سيڪريٽري ڊاڪٽر وقار مسعود ۽ وزارت جا ٻيا سينيئر عملدار پڻ ساڻس گڏ هئا. هن چيو ته هلندڙ مالي سال دوران ملڪ اندر ڪپهه جي پيداوار ۾ 28 سيڪڙو گهٽتائي ريڪارڊ ڪئي وئي جنهن جي ڪري مجموعي ملڪي پيداوار جي شرح ۾ 0.5 سيڪڙو گهٽ رهي. هن چيو ته زرعي شعبي جي مجموعي ڪارڪردگي ۾ 0.19 سيڪڙو گهٽتائي ٿي آهي جنهن جو ساليانو هدف 3.9 سيڪڙو مقرر ڪيو ويو هو.