اسلام آباد – 08 جون (اي پي پي) پاڻي ۽ بجلي واري وفاقي وزير خواجه محمد آصف چيو آهي ته مسلم ليگ (ن) جڏهن اقتدار ۾ آئي ته ان وقت ملڪ ۾ بجلي جو شارٽ فال 7000 ميگاواٽ هو جيڪو هاڻي اڌ رهجي ويو آهي. قومي اسيمبلي ۾ ايندڙ مالي سال 17 – 2016ع جي بجيٽ تي بحث ۾ حصو وٺندي پاڻي ۽ بجلي واري وفاقي وزير خواجه محمد اصف چيو ته سندس وزارت جي حوالي خان مخالف ڌر اڳواڻ جيڪي نقطا کنيا آهن ان حوالي سان انهن کي غلط بريفنگ ڏني وئي هئي. ايتري وڏي شخصيت کي غلط انگن اکرن ذريعي گمراهه ڪيو ويو آهي. هن چيو ته اسان جي ڪوشش آهي ته رمضان ۾ روزيدار سحري، افطار ۽ تراويح نماز دوران لوڊشيڊنگ جي مسئلي جو شڪار نه ٿين. هن چيو ته گذريل ٽن سالن ۾ 2665 ميگاواٽ بجلي سسٽم ۾ شامل ٿي