اسلام آباد – 16 جون (اي پي پي) دفاع واري وزير خواجه آصف چيو آهي ته افغانستان جا ادارا تحريڪ طالبان جي قيادت جي پٺڀرائي ڪري رهيا آهن، سينيٽ جي اجلاس ۾ پاڪ افغان سرحد تي ڇڪتاڻ جي حوالي سان پاليسي بيان ڏيندي دفاع واري وزير چيو ته افغانستان سان پاڪستان جي سرحد ڪيترن ئي ڏهاڪن کان کليل آهي ۽ گذريل چئن ڏهاڪن ۾ ان جي پاڪستان کي وڏي قيمت ادا ڪرڻي پئي آهي، هن وقت 30 لک افغان پناهگير پاڪستان ۾ رهندڙ آهن ۽ هو اسان جي معيشت ۽ سماجي زندگي تي اثر انداز ٿيا آهن، دفاع واري وزير چيو ته افغانستان سان ڪو باضابطه طرز جو بارڊر نه آهي، افغانستان سان گذريل ٻن سالن کان سرحدي انتظام کي موثر بڻائڻ جي لاءِ ڳالهه ٻولهه ٿي رهي آهي ته جيئن هڪٻئي سان شڪايتون ختم ٿي وڃن.