باغ– 17 جون (اي پي پي) ڪشمير معاملن ۽ گلگت بلتستان بابت وفاقي وزير چوڌري محمد برجيس طاهر چيو آهي ته آزاد ڪشمير جي عام چونڊن مسلم ليگ(ن) کي ووٽ ڏيڻ سان آزاد ڪشمير جي عوام جي قسمت تبديل ٿي ويندي. هن چيو ته مسلم ليگ(ن) آزاد ڪشمير ۾ وڏي پيماني تي ترقياتي ڪم ڪرائڻ جو منصوبو جوڙيو آهي. باغ ۾ مسلم ليگ جي ميمبرن ۽ ڪارڪنن جي ميڙ کي خطاب ڪندي چوڌري برجيس طاهر چيو ته وفاقي حڪومت جي پاليسين جي نتيجي ۾ گلگت بلتستان ۾ ٿيل چونڊن ۾ عوام وزيراعظم محمد نواز شريف جي قيادت تي اعتماد جو اظهار ڪيو آهي.
