اسلام آباد – 02 مئي (اي پي پي) وزيراعظم محمد نواز شريف چيو آهي ته اردو کي سرڪاري ٻولي طور لاڳو ڪرڻ لاءِ موثر قدم کنيا وڃن ڇو ته اها آئيني گهرج آهي. هن اها ڳالهه قومي تاريخ ۽ ادبي ورثي جي لاءِ وزيراعظم جي صلاحڪار عرفان صديقي سان ڳالهائيندي چئي جنهن وزيراعظم سان ملاقات ڪئي. عرفان صديقي پنهنجي ڊويزن جي ڪارڪردگي خاص طور تي سرڪاري ٻولي طور اردو لاڳو ڪرڻ جي لاءِ کنيل قدمن کان وزيراعظم کي آگاهه ڪيو. وزيراعظم چيو ته قائداعظم جي نظرين ۽ علامه اقبال جي فڪر کي نئين نسل تائين پهچائڻ لاءِ ٺوس منصوبابندي ڪئي وڃي.