اسلام آباد – 22 اپريل (اي پي پي) صدر ممنون حسين چيو آهي ته عوام ترقياتي منصوبن جي راهه ۾ ڪا رڪاوٽ برداشت نه ڪندي. هن اها ڳالهه پاڪ چين سينٽر ۾ نيشنل بڪ فائونڊيشن جي اهتمام هيٺ ڪتاب جي قومي ڏهاڙي ۽ قومي ڪتاب قومي ميلي جي افتتاحي تقريب کي خطاب ڪندي چئي. صدر چيو ته ملڪ جي ترقي ۽ خوشحالي ۽ ان کي صحيح راهه تي برقرار رکڻ جي لاءِ ضروري آهي ته عوام قومي معاملن تي ڌيان ڏي ڇو ته قومون ان ئي صورت ۾ ترقي ڪن ٿيون جڏهن عوام ملڪ جي معاملن ۾ ڀرپور طريقي سان حصو وٺندي آهي.
