اسلام آباد – 27 اپريل (اي پي پي) صدر ممنون حسين چيو آهي ته پاڪ چين اقتصادي لنگهه منصوبي سان ملڪ ۾ ترقي جي نئين دور جو شرعات ٿيندي، قوم ان منصوبي جي پڄاڻي ۾ مڪمل تعاون فراهم ڪري. جناح ڪنوينشن سينٽر اسلام آباد ۾ ورچوئل يونويرسٽي جي ستين ڪانووڪيشن جي تقريب کي خطاب ڪندي صدر ممنون حسين چيو ته اقتصادي لنگهه سان پاڪستان خطي جو وڏو واپاري مرڪز بڻجي ويندو، هن چيو ته سي پيڪ تحت بجلي جي پيداوار ۽ موٽر ويز جا ڪيترائي منصوبا مڪمل ڪيا ويندا ۽ ملڪ جي سمورن حصن کي اقتصادي لنگهه سان ڳنڍيو ويندو.