اسلام آباد – 07 جنوري (اي پي پي) وزيراعظم محمد نواز شريف وزيراعظم هائوس ۾ اعليٰ سطحي اجلاس جي صدارت ڪئي. اجلاس دوران قومي ۽ علائقائي سلامتي بابت معاملن تي غور ويچار ڪيو ويو. اجلاس ۾ ناڻي واري وفاقي وزير اسحاق ڊار، گهرو وزير چوڌري نثار علي خان، وزيراعظم جي پرڏيهي معاملن واري صلاحڪار سرتاج عزيز، وزيراعظم جي پرڏيهي معاملن واري خصوصي معاون طارق فاطمي، قومي سلامتي جي صلاحڪار ليفٽيننٽ جنرل (ر) ناصر خان جنجوعه، پرڏيهي معاملن جي سيڪريٽري اعزاز احمد چوڌري ۽ ڊي جي آءِ بي آفتاب سلطان شرڪت ڪئي.