بغداد – 06 – جون (اي پي پي) پرڏيهي وزير بلاول ڀٽو زرداري عراق جي ٽن ڏينهن جي سرڪاري دوري جي موقعي تي عراقي گهرو وزير عبدالامير الشمري سان بغداد ۾ ملاقات ڪئي. پرڏيهي آفيس موجب ملاقات ۾ پاڪستان ۽ عراق جي وچ ۾ لاڳاپن جي سمورن رخن تي ڳالهه ٻولهه ڪئي وئي. پرڏيهي وزير بلاول ڀٽو زرداري ۽ عراقي گهرو وزير عوامي لاڳاپن ۾ اضافي جي لاءِ تعاون وڌائڻ تي اتفاق ڪيو. ملاقات ۾ پاڪستاني زائرين ۽ واپاري برادري جي لاءِ عراقي ويزا ۾ آساني تي پڻ خيالن جي ڏي وٺ ڪئي وئي.
