نيويارڪ-29 جنوري (اي پي پي) گڏيل قومن جي سيڪريٽري جنرل انتونيو گوتريش ڪشمير مسئلي جي حل لاءِ پنهنجي خدمتن جي فراهمي جي آڇ ڪندي پاڪستان ۽ ڀارت تي زور ڏنو آهي ته هو ڪشمير مسئلي جي حل لاءِ گڏجي سنجيدگيءَ سان ڳالهيون ڪن. ان سلسلي ۾ ٽياڪڙي لاءِ گڏيل قومن جي سربراهه طور خدمتون هر وقت دستياب آهن. هن هلندڙ سال جي پهرين پريس ڪانفرنس جي موقعي تي پاڪستان جي خابرو اداري ”اي پي پي“ جي نمائندي جي سوال جو جواب ڏيندي تنبيهه ڪئي ته ڊگهي مُدي تائين ڪشمير مسئلي جو ڪو فوجي حل ناهي، ڇاڪاڻ ته هي واضح آهي ته پاڪستان ۽ ڀارت وچ ۾ ڪوبه فوجي ٽڪراءُ نه صرف ٻنهي ملڪن وچ ۾ تباهيءَ جو سبب بڻبو، ان لاءِ مون کي يقين آهي ته لائن آف ڪنٽرول ۽ والاريل ڪشمير ۾ ڇِڪتاڻ جو خاتمو يقينن تمام ضروري آهي ۽ منهنجو خيال آهي ته ٻنهي ملڪن وچ ۾ ڪشمير مسئلي جي حل لاءِ ملي ڪري سنجيدگيءَ سان ڳالهيون ڪرڻ گهرجن.
