اسلام آباد – 21 آڪٽوبر (اي پي پي) صدر ڊاڪٽر عارف علوي چيو آهي ته مصنوعي ذهانت جي شعبي ۾ پاڪستان ۽ جاپان جي وچ ۾ تعاون مضبوط ڪرڻ جي ضرورت آهي، پاڪستان جي اڌ کان وڌيڪ آبادي نوجوانن تي ٻڌل آهي جنهن جي ڪري ان شعبي ۾ اڳتي وڌڻ جا تمام گهڻا امڪان آهن. جاپاني ٽي وي نيوز 24 (اين ٽي وي) کي ڏنل هڪ انٽرويو دوران صدر چيو ته مون ذاتي ڪوششن سان مصنوعي ذهانت جي شعبي ۾ تربيتي نظام شروع ڪيو جنهن تحت ٻن سالن ۾ هڪ لک مصنوعي ذهانت جا ماهر تيار ڪيا ويندا.
