سيالڪوٽ – 22 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جي قيادت ۾ پاڪستان ترقي جون منزلون طئي ڪندو، وزيراعظم عوام جي سوچ تبديل ڪرڻ جو عظيم ويزن رکي ٿو ۽ سوچ تبديل ڪرڻ جي لاءِ سڀ کان موثر هٿيار تعليم آهي. سيالڪوٽ ۾ جلسي کي خطاب ڪندي هن چيو ته سيالڪوٽ ملڪ جو صنعتي شهر آهي، گذريل 10 سالن ۾ سيالڪوٽ ۾ هڪ به نئين صنعت ناهي هنئي وئي، ماضي ۾ ماڻهن سياست کي ڪاروبار جو ذريعو بڻائي سيالڪوٽ جي علائقن کي پٺتي رکيو، ملڪي تاريخ ۾ پهريون ڀيرو کيسا ڀرڻ بدران ملڪي ناڻو ڀريو پيو وڃي، صنعتن کي فعال ڪرڻ ۽ ڪاروبار ۾ آساني پيدا ڪرڻ جي لاءِ قدم کنيا ويا آهن، ننڍي ۽ وچين درجي جي صنعتن لاءِ آسان قرض ڏنا پيا وڃن.
