اسلام آباد – 04 جون (اي پي پي) وزيراعظم نواز شريف چيو آهي ته نئين مالي سال 17 -2016ع جي بجيٽ پاڪستان جي ترقي ۽ خوشحالي لاءِ حڪومتي ويزن جو عڪاس آهي، ناڻي واري وفاقي وزير اسحاق ڊار جي ڪارڪردگي کي ساراهندي وزيراعظم چيو ته ترقي تي ٻڌل بجيٽ پيش ڪرڻ تي اسحاق ڊار۽ پوري ٽيم ساراهه جي مستحق آهي. وزيراعظم هائوس جي ميڊيا ونگ پاران جاري هڪ بيان موجب وزيراعظم چيو آهي ته مالياتي بي ضابطگين ۽ ناڻي واڌ جي بلند ترين سطح اسان کي ورثي ۾ ملي تنهن هوندي به موجوده حڪومت جي ڪوسش سان جي ڊي پي جي 4.7 سيڪڙو گروٿ حاصل ڪئي، واپار ۾ توازن بهتر ٿيو ۽ ناڻي واڌ جي شرح 10 سالن جي سڀ کان گهٽ ترين سطح تي اچي وئي.
