APP27-08 ISLAMABAD: August 08 - Special Assistant to the Prime Minister on Information & Broadcasting Dr. Firdous Ashiq Awan talking to media. APP

اسلام آباد – 08 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته سول ۽ عسڪري قيادت ڪشميرين جي آواز سان گڏ آواز ملائي، انهن سان يڪجهتي جو اظهار ڪيو، ملڪ جي قيادت دنيا کي پيغام ڏنو آهي ته ڪشمير پاڪستان جي شهه رڳ آهي، قائداعظم جي ٻه قومي نظريي سان اختلاف ڪندڙ اڄ سمجهي ويا آهن، ڀارت ڪشمير ۾ ميڊيا ۽ اطلاعات تي مڪمل پابندي لڳائي ڇڏي آهي، پاڪستان ڪشميرين جي حمايت جي لاءِ هر آپشن استعمال ڪندو. پارليامينٽ هائوس ٻاهران صحافين سان ڳالهائيندي اطلاعات بابت خصوصي معاون چيو ته اڄ سول ۽ ملٽري قيادت ڪشميرين جي آواز سان گڏ آواز ملائي خاص طور تي ڀارت کي واضح پيغام ڏنو آهي ته پاڪستان ڪشمير جي معاملي تي ڪنهن به قسم جي ڪا لچڪ نه ڏيکاريندو.