اسلام آباد – 08 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته والاريل ڪشمير ۾ ڀارت جي تازن قدمن سان ٻه نظرين جي وچ ۾ ٽڪراءُ کلي سامهون اچي ويو آهي، اسان جو نظريو ترقي پسند سوچ جو آهي جڏهن ته ٻئي طرف مودي جي انتهاپسنداڻي، دهشتگرداڻي ۽ مسلم ڪش سوچ جو نظريو آهي، ميڊيا کي موجوده حالتن ۾ قومي بيانيي کي اجاگر ڪرڻ جي لاءِ مثبت ڪردار ادا ڪرڻ گهرجي. اهڙن خيالن جو اظهار هن پارليامينٽ هائوس ۾ اطلاعات ۽ نشريات واري وزارت جي بيٽ رپورٽرز سان خصوصي ڳالهه ٻولهه ڪندي ڪيو.