اسلام آباد – 07 آگسٽ (اي پي پي) پارليامينٽ ڀارت پاران ڪشمير جي خصوصي حيثيت ختم ڪرڻ جي لاءِ کنيل قدمن جي مذمت ڪندي عالمي برادري تي زور ڏنو آهي ته اها گڏيل قومن جي قراردادن موجب ۽ ڪشميرين جي مرضي تحت ڪشمير مسئلي جي حل لاءِ پنهنجو ڪردار ادا ڪري، ڀارت پاران ڪنهن به قسم جي جارحيت ۽ مهم جوئي جو مقابلو ڪرڻ جي لاءِ پوري پاڪستاني قوم ۽ هٿياربند فوج چوڪس آهي، پاڪستان ڪشميرين جي آزادي جي جدوجهد جي سياسي، سفارتي ۽ اخلاقي حمايت جاري رکندو. پارليامينٽ جي گڏيل اجلاس جي موقعي تي پارلياماني خصوصي ڪشمير ڪميٽي جي چيئرمين سيد فخر امام قرارداد ايوان ۾ پيش ڪئي.