جنيوا– 20 مئي (اي پي پي) صحت وارو مملڪتي وزير ڊاڪٽر ظفر مرزا وفد سميت ورلڊ هيلٿ اسيمبلي جي اجلاس ۾ شرڪت لاءِ جنيوا پهچي ويو آهي هتي هو ميمبر ملڪن کي پاڪستان ۾ صحت جي حوالي سان سڌارن واري ايجنڊا کان آگاهه ڪندو. ڊاڪٽر ظفر مرزا جنيوا مان هڪ بيان ۾ چيو آهي ته اهو اجلاس انتهائي اهميت جوڳو آهي ڇاڪاڻ ته ڊبليو ايچ او جو اهو اجلاس 194 ملڪن تي ٻڌل آهي ۽ موجوده دور ۾ صحت جو شعبو هڪ گڏيل ذميواري تي ٻڌل آهي جنهن جو مقصد دفاعي نظام تائين پهچڻ آهي.