پنڊ دادن خان/ جهلم – 13 اپريل (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته اڳوڻي وزيراعظم محمد نواز شريف ۽ اڳوڻي صدر آصف علي زرداري کان قوم جي ٻارن جي ڦريل دولت واپس وٺنداسين، ٻنهي پنهنجي دورن ۾ جيڪا ڦرلٽ ڪئي آهي انهن کان اهو پئسو واپس وٺنداسين ڇو ته اهو اسان جي ٻارن جو پئسو آهي، 10 سالن ۾ ملڪ کي 97 ارب ڊالر جو قرضي بڻايو ويو، ميرٽ ۽ شفافيت تي يقين رکون ٿا، انهن ماڻهن کي جيل ۾ ته دل جو دورو پوي ٿو پر گهر ۾ اهي ٺيڪ هوندا آهن، پنڊ دادن خان جي هر ڳوٺ ۾ لوڻياٺو پاڻي مٺو ڪرڻ جي لاءِ چين جي مدد سان پلانٽ لڳائينداسين. اهڙن خيالن جو اظهار هن يونين ڪائونسل گولپور تعلقي پنڊ دادن خان ضلعي جهلم کي بجلي جي فراهمي جي منصوبي جي افتتاح کانپوءِ خطاب ۽ ڪوٽ گچا ۽ پٿرندي ۾ عوامي جلسي کي خطاب ڪندي ڪيو.
