اسلام آباد – 22 مارچ (اي پي پي) وزيراعظم عمران خان ۽ سندس ملائيشيا هم منصب ڊاڪٽر مهاتير محمد وزيراعظم هائوس ۾ نويڪلائي ۾ ملاقات ڪئي جنهن ۾ ٻنهي ملڪن جي وچ ۾ لاڳاپن کي وڌيڪ سگهه ڏيڻ تي ڌيان ڏنو ويو. ٻنهي اڳواڻن عاومي سطح تي رابطن کي سگهه ڏيڻ جي لاءِ موثر قدم کڻڻ سان گڏوگڏ پنهنجي ڪاروباري برادري جا گڏيل منصوبا شروع ڪرڻ جي حوصلا افزائي ڪرڻ تي پڻ زور ڏنو. وزيراعظم عمران خان چيو ته پاڪستان ۽ ملائيشيا جي وچ ۾ ڀائراڻا لاڳاپا قائم آهن ۽ اهي آزمائش جي هر گهڙيءَ ۾ هڪ ٻئي سان گڏ بيٺل رهيا آهن.
