ڪرائسٽ چرچ – 15 مارچ (اي پي پي) نيوزيلينڊ جي شهر ڪرائسٽ چرچ ۾ ٻن مسجدن ۾ جمعي نماز دوران فائرنگ جي نتيجي ۾ ڪيترائي ماڻهو شهيد ۽ زخمي ٿيا آهن. قانون لاڳو ڪندڙ ادارن ان ڏس ۾ هڪ عورت سميت چئن ڄڻن کي گرفتار ڪري ورتو آهي. برطانوي نشرياتي اداري نيوزيلينڊ جي وزيراعظم جي حوالي سان ڄاڻايو آهي ته واقعي ۾ وڌيڪ حملي آور به ملوث ٿي سگهن ٿا. امدادي ٽيمون واقعن وارن هنڌن تي پهچي ويون ۽ امدادي ڪارروايون شروع ڪيون ويون. وزيراعظم ان واقعي کي نيوزيلينڊ جي تاريخ جو ڪارو ترين ڏينهن قرار ڏنو آهي.
