لاهور – 09 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڀارتي وزيراعظم نريندر مودي ڪلچر، فلم ۽ راندين سميت معاشري جي هر طبقي کي جنگ ۾ وجهي ڇڏيو، ڊسمبر کان دنيا کي ٻڌائي رهيا هئاسين ته ڀارت چونڊن کان اڳ ڪو وڏو قدم کڻندو جيڪو هو چونڊن ۾ استعمال ڪندو، پلواما کانپوءِ هڪ ڪوڙي وڊيو کي بنياد بڻائي پاڪستان تي الزام هنيا ويا پر اهي سمورا الزام ۽ ڪارروايون ان جي پنهنجي گلي ۾ پئجي ويون. هو سوشل ويلفيئر ڪمپليڪس جي دوري جي موقعي تي صحافين سان ڳالهائي رهيو هو.
