اسلام آباد – 17 فيبروري (اي پي پي) وزيراعظم عمران خان چيو آهي ته سعودي عرب جي قيادت ۽ عوام نه رڳو مڪي ۽ مديني جي ڪري اسان جي دلين ۾ رهن ٿا پر سعودي عرب اسان جو عظيم دوست آهي جنهن هر مشڪل وقت ۾ اسان جو ساٿ ڏنو ۽ بهترين دوست ثابت ٿيو آهي. وزيراعظم هائوس ۾ سعودي ولي عهد شهزاده محمد بن سلمان جي پاڪستان جي دوري جي موقعي تي معزز مهمان ۽ سندس وفد جي مان ۾ پروقار آجياڻي کي خطاب ڪندي وزيراعظم عمران خان سعودي ولي عهد، وزيرن ۽ وفد ۾ شامل ٻين مهمانن جا ٿورا مڃيندي انهن کي پاڪستان ۾ ڀليڪار چيو.
