اسلام آباد – 10 آڪٽوبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪ چين دوستي پاڪستان جي ماڻهن جي دلين ۾ شامل آهي، ٻنهي ملڪن جي عوام جي وچ ۾ محبت جي رشتي سان هي دوستي وڌيڪ مضبوط ٿي آهي، پاڪستان کي چين جهڙي دوست ۽ حصيدار تي فخر آهي، ٻنهي ملڪن جي لاڳاپن کي وڌيڪ بهتر ڪرڻ لاءِ فلم، پروڊڪشن، براڊڪاسٽ ۾ ڪم ڪرڻ جي ضرورت آهي، ان سان نه رڳو لاڳاپا وڌيڪ مضبوط ٿيندا پر ٻنهي ملڪن جي ڪلچر ۽ ورثي کي سمجهڻ ۾ مدد ملندي. هو چين جي عهدو ڇڏيندڙ سفير سن وي ڊونگ سان ڳالهائي رهي هئي جنهن هتي مملڪتي وزير سان ملاقات ڪئي.