اسلام آباد – 09 آڪٽوبر (اي پي پي) صدر ممنون حسين چيو آهي ته ٽئين دنيا جي ڪيترن ئي ملڪن جي عوام وسيلن جي کوٽ سبب غير معياري غذا يا غذائي کوٽ ۽ ماحولياتي آلودگي جهڙن مسئلن جو شڪار آهي جنهن جو علاج جي سڃاڻپ ۽ طريقيڪار تي گهرو اثر پوندو آهي پر عالمگيريت جي رجحانن کانسواءِ ڪجهه ٻين سببن سان امداد ڏيندڙ ملڪن ۽ ادارن جي نظر سان هي عمل نظر انداز ٿي ويندا آهن جنهن سبب ٽئين دنيا ۾ طب ۽ صحت بابت ڪوششون متاثر ٿي وينديون آهن يا انهن جا اهي نتيجا ناهن نڪرندا جنهن جي اميد ڪئي ويندي آهي. هن اها ڳالهه صحت واري عالمي اداري (ڊبليو ايڇ او) جي 64 هين علائقائي ڪميٽي جي اجلاس کي افتتاحي خطاب ڪندي چئي.
