اسلام آباد – 09 آڪٽوبر (اي پي پي) وزيراعظم شاهد خاقان عباسي چيو آهي ته تيل درآمد ڪندڙ ملڪن ۾ پاڪستان ۾ ان جون قيمتون سڀ کان گهٽ آهن، هلندڙ مهيني به اوگرا طرفان تجويز ڪيل قيمتن جي مقابلي ۾ حڪومت گهٽ قيمتون وڌايون آهن، 2013ع ۾ پيٽرول جي قيمت 110 روپيا في ليٽر هئي جيڪا اڄ 73 روپيا آهي. قومي اسيمبلي ۾ ڌيان ڇڪايو نوٽيس جي جواب ۾ وزيراعظم شاهد خاقان عباسي چيو ته پيٽروليم مصنوعات جون قيمتون هر مهيني مقرر ڪيون وينديون آهن گذريل مهيني ايندڙ ڪارگو جي حوالي سان تيل جي عالمي قيمتن، ڊالر ۽ روپئي جي قدر ۾ فرق جي سامهون رکي پيٽروليم مصنوعات جي قيمتن جو تعين ڪيو ويندو آهي.
