اسلام آباد – 08 فيبروري (اي پي پي) وزيراعظم عمران خان صوبائي حڪومتن جي مشاورت سان اقباليات ۽ اسلامي تاريخ کي نصاب ۾ شامل ڪرڻ جي ضرورت تي زور ڏيندي چيو آهي ته رياست مدينه جي بنيادي اصولن جي پيروي ڪندي اڄ به اسان پنهنجو مقام حاصل ڪري سگهون ٿا، علامه اقبال جو فلسفو انسان جي سوچ کي آزاد ۽ تخيل کي بلندي فراهم ڪري ٿو. هن اها ڳالهه نئين نسل کي اسلامي تاريخ ۽ خصوصي قومي شاعر علامه محمد اقبال جي فلسفي ۽ سوچ سان روشناس ڪرائڻ جي لاءِ کنيل قدمن جي حوالي سان اجلاس جي صدارت ڪندي چئي.
