اسلام آباد – 08 آڪٽوبر (اي پي پي) اطلاعات ۽ نشريات واري وفاقي وزير فواد حسين چوڌري چيو آهي ته پاڪ فوج بابت ايوان ۾ جيڪا زبان استعمال ڪئي وئي ان جي مذمت ڪريان ٿو، وزيراعظم عمران خان چيو آهي ته ڌاڙيلن ۽ چورن جو احتساب ڪنداسين ان جي ڪري انهن جو ساهه ڇو ٿو سڪي وڃي. سينيٽ ۾ ڳالهائيندي اطلاعات ۽ نشريات واري وفاقي وزير چيو ته 340 شهيدن جو تعلق جهلم سان آهي، جهلم جو ڪو ڳوٺ ۽ علائقو اهڙو نه آهي جتي شهيد ۽ غازي نه هجن. هن چيو ته پاڪ فوج جي لانس نائيڪ ۽ صوبيدار کي تنقيد جو نشانو بڻائڻ تي دل ڏکاري ٿي وئي آهي.