اسلام آباد – 13 آگسٽ (اي پي پي) پاڪستان پيپلزپارٽي جي چيئرمين بلاول ڀٽو زرداري چيو آهي ته نئين پارليامينٽ ۾ نوجوان ۽ غريب طبقي جو نمائندو آهيان، نئين حڪومت مان اميد آهي ته اها قوم جي اميدن تي پورو لهندي. نئين چونڊيل پارليامينٽ جي اجلاس ۾ حلف برداري واري تقريب جي موقعي تي اي پي پي سان ڳالهائيندي هن چيو ته پارليامينٽ جي بالادستي ۽ جمهوريت جي سربلندي جي لاءِ اسان جون قربانيون رائيگان نه وينديون.