لاهور – 26 جون (اي پي پي) اطلاعات ۽ نشريات واري وفاقي وزير سيد علي ظفر چيو آهي ته چونڊن ۾ دير جو ڪو جواز نه آهي، پرامن، صاف، شفاف ۽ وقت سر چونڊن جو يقين ڏياريان ٿو، اها اسان جي ذميواري آهي جنهن کي اسان پورو ڪنداسين، پرڏيهه ۾ رهندڙ پاڪستانين جي ووٽ ڪاسٽ ڪرڻ جو اهتمام ڪرڻو پوندو، ان سلسلي ۾ اليڪشن ڪميشن نادرا سان رابطي ۾ آهي، ڪالاباغ ڊيم جي تڪراري هجڻ جي ڪري باقي 9 ڊيم به نه ٺاهيا ويا. لاهور هاءِ ڪورٽ بار ۾ سڄي صوبي جي بارز ۾ گرانٽس جا چيڪ ورهائڻ واري تقريب کانپوءِ صحافين سان ڳالهائيندي هن چيو ته پاڪستان پاڻي کي ضايع ڪندڙ ملڪن ۾ سڀ کان مٿي آهي، پاڻي جي مسئلي تي هڪ واٽر ڪميٽي ٺاهڻ جي ضرورت آهي، جنهن ۾ ماهرن کي گهرايو وڃي، بجلي لوڊشيڊنگ بابت هڪ سوال تي هن چيو ته ان مسئلي تي هڪ وائيٽ پيپر ٺهڻ گهرجي، ٽرانسميشن، ڊسٽري بيوشن، جنريشن تي ڪم نه ڪيو ويو ۽ نه ئي سولر انرجي حاصل ڪرڻ جي لاءِ ڪي قدم کنيا ويا.