اسلام آباد – 13 مئي (اي پي پي) ايسوسيئٽيڊ پريس آف پاڪستان (اي پي پي) جي مينيجنگ ڊائريڪٽر مسعود ملڪ چيو آهي ته جديد ۽ اسٽيٽ آف ڊي آرٽ ٽيڪنالاجيز ۽ ڪميونيڪشن سسٽم سبب دنيا تيزي سان گلوبل وليج ۾ تبديل ٿي رهي آهي، ان ڊجيٽل دور ۾ ميڊيا سميت زندگي جي هر شعبي ۾ انقلابي تبديليون اچي رهيون آهن، دنيا ۾ ايجنسيز لاءِ ان چٽاڀيٽي واري ماحول ۾ ايسوسئيٽيڊ پريس آف پاڪستان ” ”پاڪستان جي ميڊيا: موقعا ۽ چئلينجز“ جي عنوان سان ٻن ڏينهن واري انٽرنيشنل ڪانفرنس آف نيوز ايجنسيز جو انعقاد ڪيو آهي. اي پي پي مستقبل ۾ ڪشميري، چيني ۽ فارسي ٻولي ۾ سروسز، ڊجيٽل نيوز ڊسپلي اسڪرينز ٽريننگ سروسز، ميڊيا، ايجوڪيشن فيسليٽيز ۽ خبرن جي مٽاسٽا جي معاهدن کي توسيع ڏيندي، هو خابرو ادارن جي وچ ۾ سهڪار جي فروغ لاءِ ”پاڪستان جي ميڊيا: موقعا ۽ چئلينجز“ جي عنوان سان ٻن ڏينهن واري انٽرنيشنل ڪانفرنس آف نيوز ايجنسيز (آءِ سي اين اي) کي خطاب ڪري رهيو هو.