اسلام آباد – 09 فيبروري (اي پي پي) وزيراعظم شاهد خاقان عباسي سرسبز پاڪستان جي عزم جو اظهار ڪندي وزيراعظم آفيس ۾ ٻوٽو هڻي بهار موسم جي وڻڪاري مهم شروع ڪري ڇڏي آهي. مهم دوران سرسبز پاڪستان ۽ صحتمند ماحول جي فروغ لاءِ سڄي ملڪ ۾ ٻوٽا هنيا ويندا. ان موقعي تي موسمياتي تبديلي وارو وزير مشاهد الله خان ۽ قومي اسيمبلي ميمبر روبينه خورشيد عالم پڻ وزيراعظم سان گڏ هئا. ان موقعي تي مهم جي ڪاميابي جي لاءِ دعا پڻ ڪئي وئي.