اسلام آباد – 09 فيبروري (اي پي پي) صدر ممنون حسين چيو آهي ته پاڪستان ۾ عسڪريت پسندي ۽ عسڪريت پسندن جي لاءِ ڪا جڳهه نه آهي، پاڪستان خطي ۾ امن ۽ استحڪام جي لاءِ پوري خلوص سان ڪم ڪري رهيو آهي، پاڪستان دهشتگردي جي هر شڪل جي مذمت ڪري ٿو ۽ ان مقصد جي لاءِ پاڪستان جي سرزمين استعمال ڪرڻ جو سوال ئي پيدا نه ٿو ٿئي. هن اها ڳالهه يورپي برادري جي عسڪري ڪميٽي جي چيئرمين جنرل ميخائل ڪوستاراڪوس سان ڳالهائيندي چئي جنهن ايوان صدر ۾ ساڻس ملاقات ڪئي.