شنگهائي – 08 فيبروري (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته پاڪستان ايندڙ سال شنگهائي ۽ بيجنگ ۾ ٿيندڙ فلمي ميلن ۾ شرڪت ڪندو. مملڪتي وزير مريم اورنگزيب شنگهائي فلم گروپ جي نائب صدر چنگ پنگ زو سان ملاقات دوران ڳالهائي رهي هئي. ملاقات ۾ ٻنهي ملڪن جي وچ ۾ براڊ ڪاسٽنگ ۽ فلمي مواد جي مٽاسٽا، فني مدد، فلم آرڪائيو ۽ فلم ميوزيم جي قيام، گڏيل فلم سازي ۽ فلم اڪيڊمي ۽ اسٽوڊيو قائم ڪرڻ تي تفصيلي خيالن جي ڏي وٺ ٿي.
