اسلام آباد – 08 فيبروري (اي پي پي) اردن جي شاهه عبدالله دوئم ابن الحسين وزيراعظم شاهد خاقان عباسي سان وزيراعظم هائوس ۾ ملاقات ڪئي. شاهه عبدالله ۽ وزيراعظم شاهد خاقان عباسي جي وچ ۾ وفدن جي سطح تي ڳالهيون پڻ ٿيون. شاهه عبدالله ۽ وزيراعظم شاهه خاقان عباسي جي وچ ۾ ملاقات ۾ ٻطرفن لاڳاپن ۽ مختلف شعبن ۾ گڏيل تعاون وڌائڻ جي لاءِ وڌيڪ رستا ڳولڻ جي حوالي سان خيالن جي ڏي وٺ ڪئي وئي. ٻنهي اڳواڻن ان ڳالهه تي اتفاق ڪيو ته گڏيل واپار ۽ سيڙپڪاري جي شعبي ۾ لاڳاپن کي وڌيڪ سگهه ڏني ويندي.
