اسلام آباد – 24 مئي (اي پي پي) صدر ممنون حسين چيو آهي ته پاڪ چين اقتصادي لنگهه موثر ۽ تيز ترين علائقائي رابطن کي يقيني بڻائڻ کانسواءِ چين جي ”هڪ خطو هڪ رستو“ جو تاريخي تصور دنيا کي هڪ دور مان ڪڍي ٻئي دور ۾ داخل ڪري ڇڏيندو جيڪو ترقي ۽ امن ۽ استحڪام جو دور هوندو، چين دنيا ۾ هڪ وڏي ڏاهپ سان تعميري ۽ مثبت ڪردار ادا ڪري رهيو آهي. صدر اها ڳالهه اسلام آباد ۾ نيشنل يونيورسٽي آف سائنسز اينڊ ٽيڪنالاجي (نسٽ) ۽ چين جي پيڪنگ يونيورسٽي جي اهتمام هيٺ منعقد ٿيندڙ پهرين بيجنگ فورم جي افتتاح جي موقعي تي چئي.
