اسلام آباد – 30 مئي (اي پي پي) پاڪستان مسلم ليگ (ن) جي اڳواڻ ڊاڪٽر آصف ڪرماڻي چيو آهي ته وزيراعظم محمد نواز شريف ۽ سندس خاندان جا هٿ صاف آهن. اهڙن خيالن جو اظهار هن جوڊيشل اڪيڊمي ٻاهران صحافين سان ڳالهائيندي ڪيو. هن چيو ته حسين نواز جي آءِ ٽي جا گهربل ڪاغذ کڻي آيو ۽ سمورا جواب ڏنا ويا. هن چيو ته منهنجي ذاتي راءِ موجب جي آءِ ٽي جي جن ميمبرن تي خدشن جو اظهار ڪيو ويو هو انهن ميمبرن کي پاڻ ئي هن ٽيم کان جدا ٿيڻ گهرجي ها ته جيئن شفاف ٽرائل جو موقعو ملي سگهي، ان ۾ ئي ملڪ ۽ قوم جي بهتري آهي.
