اسلام آباد – 29 مئي (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته 20 ڪروڙ عوام جو چونڊيل وزيراعظم ملڪي ترقي لاءِ ڏينهن رات هڪ ڪري رهيو آهي، وزيراعظم سي پيڪ ۽ ترقياتي منصوبن سان پاڪستان کي معاشي طور تي مضبوط بڻائي رهيو آهي. هو سپريم ڪورٽ ٻاهران صحافين سان ڳالهائي رهي هئي. مملڪتي وزير مريم اورنگزيب چيو ته مسلم ليگ (ن) سدائين آئيني ادارن جو احترام ڪيو آهي، استثنيٰ جو حق رکڻ جي باوجود وزيراعظم جاچ ڪميٽي ٺاهڻ کي ترجيح ڏني، حسين نواز جاچ ڪميٽي آڏو پيش ٿي آئيني بالادستي جو ثبوت ڏنو.
